Արդյոք չամրակապված վարորդների նկատմամբ խիստ է հսկողությունը. պատգամավորի և ՆԳՆ-ի տարբեր կարծիքները
ԱԺ պատգամավոր Արսեն Թորոսյանը առաջարկում է մահվան ելքով ավտովթարների վիճակագրություն վարել, թե քանի տոկոսն է ամրագոտին չկապելու հետևանք: Պատգամավորը հետևել է երթևեկությանը և պարզ հաշվարկ արել՝ 10 վարորդից 8-ը ամրակապված չէ: Արսեն Թորոսյանը նամակով դիմել է ներքին գործերի նախարարին, առաջարկել ուժեղացնել հսկողությունը: Գերատեսչությունից վստահեցրել են, որ պարեկները, նոյեմբերի 21-ի դրությամբ, ամրագոտիների հետ կապված արձանագրել են 13 171 իրավախախտում:
