Թիվ 34 ընտրատարածքային ընտրական հանձնաժողովի նախագահի տեղակալ Արմինե Անդրանիկյանը «Լուրերի» թղթակցի հետ զրույցում նշեց, որ Սիսիան համայնքում ժամը 17։00-ի դրությամբ քվեարկությանը մասնակցել է 9594 ընտրող։
«Այս պահի դրությամբ լուրջ խախտումներ չենք արձանագրել։ «Քաղաքացու որոշում» սոցիալ-դեմոկրատական կուսակցությունը գրանցամատյանում խախտման վերաբերյալ գրառում է կատարել, կուսումնասիրենք բոլոր խախտումները»,- ասաց Արմինե Անդրանիկյանը։
Նա նշեց, որ թիվ 34 ընտրատարածքային ընտրական հանձնաժողովի անդամները բոլորը գտնվում են Սիսիան համայնքում, նաև համայնքում են ԿԸՀ անդամները։
«Բոլոր տեղամասերը հսկողության տակ են. լուրջ խախտումներ դեռ չեն արձանագրվել։ Մասնակցությունը նորմալ եմ գնահատում»,- ասաց Արմինե Անդրանիկյանը։
Մանրամասները՝ տեսանյութում։
