Համայնքները վերազինվում են անհրաժեշտ տեխնիկայով

Բելառուսական տրակտոր, անվավոր էքսկավատոր, Էքսկավատոր-ամբարձիչ, մինչև տարեվերջ՝ նաև Գրեյդեր: Այս տեխնիկան Հրազդանին է տրամադրում Տարածքային զարգացման հիմնադրամը:

Վաղարշակ Պողոսյան (Հրազդանի համայնքապետարանի «Կոմունալ տնտեսություն, աղբահանություն և սանմաքրում» հիմնարկի տնօրեն) - Ավտոպարկը նախկինում ոչ մի բան չուներ, իսկ հիմա ահագին արդյունավետ է:

Գյուղատնտեսական մեքենաներն ընտրել է հենց համայնքը՝ ելնելով կարիքից ու անհրաժեշտությունից։ Տրամադրված տեխնիկայի ընդհանուր արժեքը 215 միլիոն 174 հազար դրամ է:

Վաղարշակ Պողոսյան - Տեխնիկայի կարիքը շատ մեծ էր: Ձեռք բերեցինք նոր տեխնիկա, որ քաղաքի գործերին օգտակար է, ու ահագին աշխատանքներ ենք կատարում:

Ստացած տեխնիկան արդեն փորձարկել են, արդյունքներից գոհ են:

Վաղարշակ Պողոսյան - Քաղսի համայնքում պտտվող ՋԻՍԻԲԻ-ով սելավատարի հուներն ենք մաքրել արդեն, քաղաքում կատարում ենք լայնամասշտաբ աշխատանքներ:

Տեխնիկական վերազինման արդյունքում համայնքը կկարողանա սեփական ուժերով լուծել առկա խնդիրները, իսկ տեխնիկայի վարձակալությունից ստացված միջոցներով հնարավոր կլինի այլ ծրագրեր իրականացնել: 

Նման ծրագրեր ՀՏԶՀ-ն իրականացնում է Հայաստանի բոլոր համայնքներում: Ծրագիրը ֆինանսավորում են ՀՀ կառավարությունն ու Համաշխարհային բանկը, 5 տոկոսի ներդրում ունի նաև համայնքը։