Մայիս 14-ը՝ 60 երկվայրկեանի մէջ. արևմտահայերէն լուրեր

Հայկական կողմին  համար հիմնարար է Լեռնային Ղարաբաղի վերջնական կարգավիճակի որոշման հարցը. Մարուքեան հրապարակեց Ատրպէյճանի հետ յարաբերութիւններու կարգաւորման 6 կէտերը:

Հայ-ռուսական դիւանագիտական յարաբերութիւններու 30-ամեակը նշանաւորուած  է երկկողմ բարձրաստիճան փոխ այցելութիւններով. Նիկոլ Փաշինեան ընդունեց Ռուսաստանի հաշուիչ պալատի նախագահ Ալեքսէյ Քուտրինը:

Ալեքսէյ Քուտրինին ընդունեց Հայաստանի նախագահ Վահագն Խաչատուրեանը և փոխ վարչապետ Մհեր Գրիգորեանը: Քննարկուած են հայ-ռուսական յարաբերութիւններու օրակարգային հարցեր, տնտեսական հեռանկարներ:

Քիևի հետ բանակցութիւնները փաստացի դադրեցուած են. Փութին:

Ամերիկան և ԱՍԵԱՆ յայտարարած են Ուքրանիոյ մէջ ռազմական գործողութիւններու անյապաղ դադրեցման կարևորութեան մասին:

Ամերիկան  չի փոխեր Եւրոպայի մէջ մշտական ներկայութեան ուժերու թիւը. Փենթակոն:

«Մեծ եօթնեակը» քայլեր պիտի ձեռնարկէ, որ Իրան երբէք միջուկային զէնք չունենայ։

Երկիրը  հիմնադրութեան պահէն կ՛ապրի «խոշորագոյն ցնցումը». Քիմ Չեն Ըն: Հիւսիսային Քորիայի մէջ քորոնայէն 21 անձ մահացած է մէկ օրուան մէջ:

Հեղինակ՝ Անի Զէյթունցեան