Օրը՝ 60 վայրկյանում | 27.11.2021
ՄԻԵԴ-ը բավարարել է գերեվարված 4 զինծառայողի գործով անհապաղ միջոց կիրառելու վերաբերյալ հայ իրավապաշտպանների դիմումը:
Վլադիմիր Պուտինն Անվտանգության խորհրդի մշտական անդամներին է ներկայացրել Հայաստանի և Ադրբեջանի ղեկավարների հետ քննարկման արդյունքները, որոնք վերաբերել են Լեռնային Ղարաբաղի հակամարտության կարգավորմանը և ձեռք բերված պայմանավորվածություններին:
Երկրի քաղաքական ղեկավարությունը վճռական է՝ զինված ուժերի մարտունակության բարձրացման համար անհրաժեշտ ցանկացած քայլի աջակցելու հարցում. Սուրեն Պապիկյան:
Վարչապետը մասնակցել է «Հայաստան» համահայկական հիմնադրամի հոգաբարձուների խորհրդի նիստին:
Ավելի է հասունացել «Հայաստան» համահայկական հիմնադրամի արդիականացման պահը. Արմեն Սարգսյան:
Լվովում բացվել է Հայաստանի պատվավոր հյուպատոսի գրասենյակը:
Բայդենը ցանկություն է հայտնել խոսելու Պուտինի և Զելենսկու հետ:
COVID-ի նոր շտամի պատճառով ԵՄ-ն սահմանափակումներ է կիրառում Աֆրիկայից ժամանողների նկատմամբ:
Հաստատվել է կորոնավիրուսի 517 նոր դեպք, առողջացել է 1403, մահացել՝ 26 մարդ:
