Հոկտեմբերի 25-ին կայանալիք տեղական ինքնակառավարման մարմինների ընտրությունները վեց համայնքում կանցնեն առանց այլընտրանքի. ցուցակ առաջադրել է միայն «Քաղաքացիական պայմանագիրը»:
Կառավարող ուժը ընտրություններին մասնակցում է բոլոր՝ 19 համայնքում:
Իսկ ո՞րն է ընդդիմության պասիվության պատճառը:
«Ուժեղ Հայաստանը», օրինակ, որ առաջնորդի մակարդակով խոստանում էր ակտիվ մասնակցել տեղական ընտրություններին, թեկնածու է առաջադրել միայն Ստեփանավանում:
Փորձագետները նկատում են, որ ընդդիմության խոսքն ու գործը միշտ էլ իրար հակասել են, իսկ որպես պատճառ նշում են, որ գուցե նրանք ճիշտ չեն հաշվարկել ռեսուրսները:
Կենտրոնական ընտրական հանձնաժողովի նախագահը նշում է, որ քաղաքական ուժերը ոչ միայն ֆինանսական, այլև մարդկային ռեսուրսի խնդիր ունեն, ինչը ցայտուն դրսևորվում է ընտրական հանձնաժողովներում թեկնածուներ առաջադրելիս:
Ընդդիմությանը հասանելիք բազում տեղեր թափուր են մնում, քանի որ առաջադրում չի լինում:
Առաջիկա ՏԻՄ ընտրությունների և ընդդիմության պասիվության պատճառների մասին է պատմում Վարդուհի Արզումանյանը:
