Ադրբեջանն արձագանքել է ԹՐԻՓՓ-ի վերաբերյալ ՀՀ-ԱՄՆ համատեղ հայտարարությանը

TRIPP-ի իրականացման վերաբերյալ շրջանակային փաստաթղթի ընդունումը ցույց է տալիս ԱՄՆ-ի հավատարմությունը օգոստոսի 8-ին ձեռք բերված պայմանավորվածություններին և կարևոր քայլ է այս ուղղությամբ գործնական աշխատանքների մեկնարկի համար՝ հայտարարել է Ադրբեջանի արտաքին գործերի նախարարության խոսնակը: Այխան Հաջիզադեի խոսքով՝ այս քայլը կարևոր է նաև Հայաստանի ստանձնած պարտավորությունների կատարման առումով։

«Ադրբեջանի և Նախիջևանի միջև անխոչընդոտ հաղորդակցության ապահովումը մեր երկրի առաջնահերթություններից է։ TRIPP-ի երթուղին կարևոր է նաև ավելի լայն տարածաշրջանում առևտրի և կապերի դիվերսիֆիկացման տեսանկյունից»,- շեշտել է Հաջիզադեն։

Միջազգային այլ լուրեր՝ տեսաշարով:

Հեղինակ՝ Դիանա Գասպարյան