Քաղաքացիական դատարանների ծանրաբեռնվածությունը նվազել է: Այդ մասին ԱԺ մշտական հանձնաժողովների համատեղ նիստի ժամանակ՝ 2024 թվականի պետբյուջեի կատարողականի նախնական քննարկումներին, ասաց ՀՀ արդարադատության նախարար Սրբուհի Գալյանը:
Նախարարը տեղեկացրեց, որ արդյունքը կապված է նախորդ տարի կատարված «նորամուծության» հետ, որով մինչև 200 հազար դրամը չգերազանցող դրամական պահանջների քննությունը վերապահվեց նոտարներին:
«Սա շատ դրական փոփոխություն էր: Սա մի փոփոխություն է, որը չափելի է, և այս առումով կարող ենք արձանագրել, որ քաղաքացիական դատարանների ծանրաբեռնվածությունը նվազել է 80 տոկոսով: Սա մի հաջողության պատմություն է, որի մասին անընդhատ պետք է խոսել»,- ասաց նա:
