«Հայաստան» հիմնադրամի տեղական մարմինների ատենապետներն այցելել են ավարտված և իրականացվող մի շարք ծրագրերի վայրեր

 

 

Ըստ հաղորդագրության՝ եռօրյա այցելությունների շրջանակում հիմնադրամի տեղական մարմինների ատենապետները եղան Լեռնագոգ համայնքում տեղահանված արցախցիների համար կառուցվող առանձնատների շինարարական հրապարակում, այցելեցին Գյումրու «Մուշ-2» թաղամաս՝ երկրաշարժի հետևանքով տնազուրկ դարձած և այսուհետ հիմնադրամի կողմից բնակարաններով ապահովված գյումրեցիներին, սահմանային համայնքներից՝ Տավուշի մարզի Ն. Նասիբյանի հիվանդանոցում ականատես եղան բուժհաստատության համար նոր մասնաշենքի կառուցման և վերակառուցման աշխատանքներին, անձամբ տեսան հիվանդանոցին նվիրաբերած առաջնային անհրաժեշտության բժշկական սարքավորումները, ծանոթացան Բերքաբեր համայնքում իրագործած համալիր ծրագրերին (ջրամատակարարում, փողոցային լուսավորության ապահովում, վերականգնվող էներգիա), այցելեցին նոր վերանորոգված Նորքի տուն-ինտերնատ և Զինվորի տուն, որտեղ հիմնադրամն իրականացնում է պրոթեզավորման ծրագիր:

Նրանց խոսքով՝ ծրագրերը ոչ միայն խոսուն են, այլև նշանակալի են ու մնայուն և անպայման պետք է կրեն շարունակական բնույթ՝ տարածվելով հայրենիքի այլ բնակավայրերով: