LEAD4Shirak ծրագրի առանցքում ՏԻՄ կարիքների դիտարկումն ու դրանց լուծում տալու հնարավորությունն է

 

Հանդիպման նպատակը ՏԻՄ կարիքների վերհանումն ու դրանց լուծումների դիտարկումն է եղել՝ ԼԻԴԵՐ մեթոդաբանության և տեղական ակտիվ խմբերի հետ համագործակցության կոնտեքստում։

 

Ողջունելով ներկաներին՝ Շիրակի մարզպետ Մուշեղ Մուրադյանը նշել է, որ կարևորում է այսօրինակ նախաձեռնությունները․ «Ձերդ գերազանցություն տիկին դեսպան, LEADER ծրագրի սիրելի ներկայացուցիչներ, հյուրեր, ինձ համար որպես Շիրակի մարզպետ, շատ գնահատելի ու կարևոր ծրագիր է Եվրամիության նախաձեռնությամբ իրականացվող LEADER ծրագիրը, որը միտված է համայնքային զարգացմանն ու նպատակ ունի նպաստելու գյուղական շրջանների ակտիվամցանը՝ համայնքների կարողությունների հզորացման և մարդկանց համախմբման միջոցով։ Այս ամենը խոսում է այն մասին, որ ծրագրի իրականացումը աղքատության կրճատմանն ու սոցիալական հոգսերի թեթևացման է տանելու։ Ողջունում եմ բոլորիդ և հաջողություն եմ մաղթում LEAD4Shirak-ին»։

 

2022 թվականին «Տեղական դերակատարների զորեղացում հանուն զարգացման» (LEAD) ծրագրի շրջանակներում ձևավորվել է երրորդ տեղական ակտիվ խումբը։ Երկու տեղական ակտիվ խմբերն ակտիվորեն աշխատել են իրենց տարածքային ռազմավարության մշակման գործում՝ ներգրավելով համայնքների ավելի քան 200 բնակիչների։

 

Նշենք, որ Շիրակի մարզում կազմակերպվել է Հայաստանում առաջին ԼԻԴԵՐ միջազգային կոնֆերանսը, որի նպատակն էր երկխոսության հարթակ ստեղծել տարբեր դերակատարների համար։

 

LEAD4Shirak ծրագիրը ֆինանսավորվում է Եվրոպական միության ու Ավստրիական զարգացման գործակալության կողմից և իրականացվում է Հայաստանի հյուսիսային երեք մարզերում՝ Շիրակում, Լոռիում և Տավուշում: