Մարտակերտ քաղաքում ավարտվել են քաղաքապետարանի շենքի առաջին փուլի վերանորոգման աշխատանքները։ Ինչպես հայտնում են Արցախի քաղաքաշինության նախարարությունից, շենքը վնասվել էր հրետակոծության հետևանքով։
Կատարվել է նոր տանիքի և պատուհանների տեղադրում, ինչպես նաև երկրորդ հարկի վերանորոգում։
Վերանորոգման աշխատանքները նախատեսվում է իրականացնել նաև առաջին հարկում, որտեղ տեղակայված է Մարտակերտի երաժշտական դպրոցը։
Շինաշխատանքները կատարվում է «Ա․Գ․Ա․ և Տ․» ՍՊ ընկերության կողմից, իսկ ֆինանսավորումը՝ պետական բյուջեի միջոցներով։
