Շիրակի մարզպետ Նազելի Բաղդասարյանը մարզային իշխանության ներկայացուցիչների հետ այսօր ընդունել է մարզում գործող տեսչական մարմինների մարզային կառույցների ղեկավարներին:
Կարևորելով Շիրակի մարզպետարանի և տեսչական մարմինների համագործակցությունը՝ Շիրակի մարզպետն անդրադարձել է գործառույթների արդյունավետության բարձրացմանը․ «Անմիջական փոխգործակցությամբ ու համատեղ աշխատանքով հնարավոր կլինի առկա խնդիրներին արդյունավետ լուծում գտնել»,- նշել է մարզպետը:
Տեսչական մարմինների մարզային կառույցների ղեկավարները ներկայացրել են անցած ինն ամիսներին իրականացված վերահսկողական ստուգայցերի արդյունքները: Ներկայացվել են տվյալներ արձանագրված թերացումների, խախտումների մասին, մասնավորապես՝ ինքնակամ շինարարությանն ու սննդամթերքի անվտանգությանը, բնապահպանական օրենսդրական նորմերի պահպանմանը վերաբերող հարցեր։
Մարզպետն ընդգծել է բարձրացված խնդիրների լուծման հարցում հետևողականություն ցուցաբերելու անհրաժեշտությունը՝ կարևորելով նաև համայնքների հետ համագործակցության սերտացումը։
