Էջմիածնի հիմնադրման 2707-ամյակին նվիրված միջոցառումները չեղարկվել են
Էջմիածնի հիմնադրման 2707-ամյակին նվիրված միջոցառումները չեղարկվել են։ Այս մասին տեղեկանում ենք Էջմիածնի քաղաքապետարանի Ֆեյսբուքի էջից:
«Պայմանավորված վերջին օրերին հայ-ադրբեջանական սահմանին տիրող իրավիճակով՝ հոկտեմբերի 8-ին նախատեսված պաշտոնական, մշակութային, տոնական բոլոր միջոցառումները, քաղաքային գրադարանի նոր շենքի հիմնարկեքի արարողությունը և Քուֆթայի փառատոնը չեղարկված կամ անժամկետ հետաձգված են:
Դեռևս շարունակվում են միայն «Բարեկամության ներկապնակ» միջազգային սիմպոզիումի նախապատրաստական աշխատանքները. սիմպոզիումին մասնակցում են ինչպես հայ, այնպես էլ այլազգի արվեստագետներ, որոնք շուրջ մեկ շաբաթ կլինեն Էջմիածնում:
Հարկ ենք համարում արվեստի միջոցով անդրադարձ կատարել մեր քաղաքի հիմնադրման օրվան և միջազգային հանրության ու մամուլի արձագանքը ևս մեկ առիթով բեկել Հայաստանի ուղղությամբ:
Սիմպոզիումը նախատեսված է հոկտեմբերի 1-7-ը»,- նշված է գրառման մեջ:
