Իսրայելից Իրանի քաղաքացիներին ուղղված սպառնալիքների դեպքում Իրանը կհարվածի հրեական պետության հենց սրտին։ Այդ մասին հայտարարել է Իրանի նախագահ Էբրահիմ Ռաիսին՝ փոխանցում է IRNA-ն։
Ըստ առաջնորդի՝ Իսրայելի ղեկավարության նույնիսկ չնչին գործողությունները չեն վրիպի Իրանի զինված ուժերի և հետախուզության աչքից։ «Մեր ազգի դեմ ցանկացած սպառնալիքի դեպքում Իսրայելի սիրտը կլինի մեր զինված ուժերի թիրախը, և դուք երբեք հանգիստ չեք ունենա»,- ասել է Իրանի նախագահը:
Նրա խոսքով՝ Իրանի բանակը օգտվել է պատժամիջոցների հնարավորություններից, ընդլայնել է իր ռազմական արդյունաբերությունը և այժմ լավագույն վիճակում է։
Հոկտեմբերին Իսրայելի ռազմաօդային ուժերը սկսեցին ծրագրել հարվածներ Իրանի միջուկային օբյեկտներին: Գործողությունների սկսման նախապատրաստական աշխատանքները նախատեսված են 2022 թվականին։ Առաքելության համար կհատկացվի առանձին ֆինանսավորում, և կկազմվի ռազմաօդային ուժերի զինվորների մարզման ծրագիր։ Հաղորդվում է, որ Իսրայելի կառավարությունը պատրաստ է միլիարդավոր շեքելներ հատկացնել այդ ծրագրերի իրականացման համար։
