Հանգուցյալների հիշատակության օրը Արցախի Սբ Աստվածածին եկեղեցում պատարագ է մատուցվել
Հունվարի 7-ին՝ Սուրբ Ծննդյանը հաջորդող հանգուցյալների հիշատակության օրը, Արցախի թեմի առաջնորդանիստ Սբ Աստվածածին եկեղեցում, հանդիսապետությամբ ՀԱՍԵ Արցախի թեմի առաջնորդ Գերաշնորհ Տեր Վրթանես եպս. Աբրահամյանի, ձեռամբ Տեր Մատթեոս քհն. Դրավանցի, մատուցվեց սուրբ և անմահ պատարագ, որի վերջում կատարվեց հոգեհանգստյան կարգ:
Այնուհետև Սրբազան Հոր առաջնորդությամբ թեմի հոգևորականաց դասն այցելեց Ստեփանակերտի Եղբայրական գերեզմանոց՝ իրենց խոնարհումն ու աղոթքը բարձրացնելու հանուն հայրենիքի ու հավատքի նահատակված եղբայրների համար:
