Արցախի Հանրապետության ներքին գործերի նախարարության ոստիկանությունից հայտնում են՝ Արցախի կառավարությունը սկսել է 2020 թվականի սեպտեմբերի 27-ից մինչև դեկտեմբերի 31-ը ՀՀ տարածքում ճանապարհային երթևեկության խախտումների համար վարչական պատասխանատվության ենթարկված Արցախի Հանրապետության քաղաքացիների տույժ-տուգանքների մարման և փոխհատուցման գործընթացը:
Արցախի ՆԳ նախարարությունն իրազեկում է, որ ծրագրի առաջին փուլով՝ «Արցախբանկ» ՓԲԸ-ից, փոխհատուցում կտրամադրվի առաջին 954 դիմումատուին, այնուհետև գործընթացը կշարունակվի
2022 թվականի հունվարից:
«Ծանուցումները կստանաք նաև SMS հաղորդագրությամբ, որից հետո պարտադիր է բանկ ներկայանալ անձնագրով»,- հայտնում են նախարարությունից:
