Պաշտպանության փոխնախարարը հերքում է լուրը, թե Ադրբեջանին է հանձնվելու Կապանում գտնվող ԶՈՒ հենակետերից մեկը
Պաշտպանության փոխնախարար Արման Սարգսյանը հերքում է համացանցում տարածված աղմկահարույց տեղեկությունն այն մասին, թե Ադրբեջանին է հանձնվելու Կապանում գտնվող ԶՈՒ հենակետերից մեկը: Ըստ փոխնախարարի՝ ռազմական ոստիկանությունն այժմ տարածված տեղեկության ուսումնասիրություն է իրականացնում:
Անվտանգային իմաստով այս պահին երկրում որևէ խնդիր չկա, և Զինված ուժերի Գլխավոր շտաբը շարունակում է լուծել իր առջև դրված խնդիրները՝ վստահեցնում է Արման Սարգսյանը:
Անդրադառնալով մարտի 16-20-ը նախատեսված զինված ուժերի զորավարժություններին՝ փոխնախախարը նշում է, որ խուճապի և մեր բանակի մարտունակությունը կասկածի տակ դնելու որևէ առիթ չկա, զորվարժությունները ծառայելու են բանակի պաշտպանունակության բարձրացման նպատակին:
Նոր պատերազմ սկսելու հավանականության մասին հարցին ի պատասխան Արման Սարգսյանը փաստում է՝ մեր 30-ամյա պատմությունը հուշում է, որ պատերազմին պետք է պատրաստ լինել ամեն վայրկյան, բայց այս պահին հստակ արձանագրում չի կարող անել:
Իսկ ՊՆ-ն, ըստ փոխնախարարի, այս պահին լուծում է իր առջև դրված տարատեսակ խնդիրները՝ սկսած զինծառայողների սոցիալական հարցերից մինչև սահմանային իրավիճակի վերահսկողություն:
