Հայկական միասնական տեղեկատվական կենտրոնը տեսանյութ է պատրաստել, որում ներկայացվում է, թե ինչպես պետք է ինքնամեկուսանալ: Նշված է, որ նոր կորոնավիրուսի՝ COVID-19-ի լայն տարածում ունեցող երկրներից վերադարձող ՀՀ քաղաքացիները, կախված ժամանման երկրից, պետք է ենթարկվեն 14-օրյա ինքնամեկուսացման, եթե որոշում չի կայացվել գտնվել հատուկ կարանտինի վայրում:
Պետք է հետևել ցուցումներին՝
- մնալ տանը. մթերքի, այլ գնումների կամ դեղամիջոցների անհրաժեշտության դեպքում՝ պատվիրել դրանք հեռախոսով կամ առցանց.
- մեկուսացվել տան անդամներից.
- ընտրել բացվող պատուհանով, լավ օդափոխվող տարածք.
- հնարավորության դեպքում օգտվել առանձին լոգարանից.
- եթե ստիպված եք կիսել լոգարանը, ապա պարբերաբար պատշաճ կերպով մաքրել այն.
- առանձնացնել տնային պարագաները տան մյուս անդամներից՝ սպասքը, սրբիչները, անկողնային պարագաները.
- լվացքի համար ապահովել ջրի հնարավորինս բարձր ջերմաստիճան (առնվազն 60 աստիճան).
- զանգահարել բժշկին նախքան նրան այցելելը .
- կրել բժշկական դիմակ, եթե ցուցված է.
- փակել բերանը և քիթը՝ փռշտալիս և հազալիս.
- հաճախակի լվանալ ձեռքերը.
- հյուր չընդունել.
- հերմետիկ փակել աղբամանը.
- հետևել ախտանշանների զարգացմանը.
- եթե 14 օր մեկուսացման ընթացքում նկատվում է ախտանշանների զարգացում/վատթարացում կամ նոր ախտանշաններ, զանգահարեք՝ 060-83-83-00:
