Համայնքային ոստիկանության Բաղրամյանի բաժնի ծառայողները ստացել էին օպերատիվ տեղեկություն, որ Արմավիրի մարզի Կողբավան գյուղի տարածքում իրայանացվում է ապօրինի արդյունահանում։ Այս մասին տեղեկացնում են ՆԳՆ ոստիկանությունից:
Տեղեկությունն իրացնելիս համայնքային ոստիկանները պարզել են, որ սահմանափակ պատասխանատվությամբ մի ընկերություն, մեկ այլ ընկերության միջոցով, առանց թույլտվության և լիցենզիայի, ապօրինի արդյունահանել են 900 խորանարդ մետր հրաբխային խարամ, որի հետևանքով պետությանը պատճառվել է 780 հազար դրամի վնաս։
Հոկտեմբերի 26-ին ոստիկանները խարամ բարձած երկու բեռնատար ապօրինի արդյունահանման տարածքից տեղափոխել են պահպանվող հատուկ տարածք։
Նախաձեռնվել է քրեական վարույթ, պետությանը պատճառված վնասը վերականգնվել է։
