Մեր աշխատողը ճիշտ է վարել պրոցեսը, դրանից ավելի արագ հնարավոր չէր հասնել. ՆԳ նախարարը՝ Շաքիի դեպքի մասին

ԼԼուսինե Մուրադյան

Շաքիի դեպքի մասով քաղաքացին ահազանգել է այն ոստիկանին, որի բջջային հեռախոսահամարն ունեցել է և որին ճանաչել է։ Այդ ոստիկանը գտնվել է հանգստի մեջ, քանի որ նախորդ օրը եղել է հերթապահ, այսինքն՝ եղել է աշխատանքի վայրում։ Այդ մասին խորհրդարանական ճեպազրույցի ժամանակ ասաց ՆԳ նախարար Արփինե Սարգսյանը՝ անդրադառնալով Շաքիի դեպքի մանրամասներին և այն քննարկումներին, թե ոստիկանը ահազանգից հետո ավելի ուշ է հասել դեպքի վայր, քան ահազանգողը։

«Ոչ թե ուղղակի ոստիկանական համակարգ ահազանգ է ուղարկել, այլ իրեն ծանոթ ոստիկանին է զանգել, որը նախորդ օրը եղել է հերթապահության մեջ, ինչը նորմալ է, որ հերթապահության հաջորդ օրը պետք է հանգստի մեջ լիներ։

Չեմ ուզում րոպեի ճշգրտությամբ որևէ բան նշել, որովհետև վարույթ իրականացնող մարմինը պատեհ պահին հանդես կգա կոնկրետ րոպեն նշելով, բայց ահազանգից չանցած 10 րոպե՝ ոստիկանը եղել է դեպքի վայրում, և դեպքը տեղի ունեցած է եղել։

Մեր աշխատողը ճիշտ է վարել պրոցեսը, և դրանից ավելի արագ, օրինակ, հնարավոր չէր հասնել և որևէ բան կանխել»,- ասաց նախարարը՝ տեղեկացնելով, որ ոստիկանը դեպքի վայրից շատ ավելի հեռու է եղել, քան ահազանգող քաղաքացին՝ Անի Ավետիսյանը։

«Հանգստի մեջ գտնվող ոստիկանը Սիսիանի բաժնից շատ ավելի հեռավորության վրա է բնակվել, այսինքն՝ երբ դուրս է եկել տնից, 10 րոպե չանցած հասնելը գերօպերատիվ աշխատանք է ենթադրել իրենց համար, և երբ հասել է, դեպքն արդեն տեղի ունեցած է եղել։

Հորդորել է նաև, ուղղորդել է տղային, որ զանգի 112 ծառայություն, ուժեր գան և օգնեն։ Երբ 112 ահազանգ է ստացվել, մեր ստանդարտով 10 րոպեում պիտի օպերատիվ խումբը մեկնի, այսինքն՝ մեկնում պիտի կատարվի դեպքի վայր, բայց 10 րոպեում ամբողջ բաժինը՝ բաժնի պետի գլխավորությամբ, եղել է տեղում։

Ընդ որում՝ հենց ոստիկանի օպերատիվ աշխատանքի արդյունքն է եղել, որ անձի հետքի վրա ենք դուրս եկել և կարողացել ենք հայտնաբերել ու ձերբակալել»,- ասաց նախարարը, ապա հավելեց, որ դեպքի մասով այս պահին նոր հանգամանքներ չկան, և երբ քննչական աշխատանքներն ավարտվեն, հանրությանը կտեղեկացնեն։

Հիշեցնենք՝ սեպտեմբերի 29-ին Ադրբեջանի պետական անվտանգության ծառայությունը ՀՀ ԱԱԾ-ին տեղեկացրել է, որ ադրբեջանական զորամասերից մեկի զինծառայողը լքել է ծառայության վայրը, և չէր բացառվում, որ նա ապօրինի հատած լիներ ՀՀ սահմանը։

Հոկտեմբերի 1-ին Սյունիքի մարզի Շաքի բնակավայրում ՀՀ քաղաքացու ոտքին կրակելու դեպք է գրանցվել։ ԱԱԾ-ի փոխանցմամբ՝ պարզվել է, որ հանցագործությունը կատարել է ադրբեջանցի զինծառայողը, որը կալանավորվել է։

Խորհրդարանը քննարկում է սահմանամերձ համայնքների սոցիալական աջակցության ծրագիրը մինչև 2028 թվականը երկարաձգելու նախագիծը

Խորհրդարանը քննարկում է սահմանամերձ համայնքների սոցիալական աջակցության ծրագիրը մինչև 2028 թվականը երկարաձգելու նախագիծը

Բռնությանը արձագանքելու փոխարեն կանխարգելելու համար պետք է գործել 3 ուղղությամբ. ՆԳ նախարար

Բռնությանը արձագանքելու փոխարեն կանխարգելելու համար պետք է գործել 3 ուղղությամբ. ՆԳ նախարար

Սիգի ձվադրման ժամանակահատվածում՝ նոյեմբերի 20-ից փետրվարի 1-ը, Սևանա լճում արգելվում է ձկնորսությունը

Սիգի ձվադրման ժամանակահատվածում՝ նոյեմբերի 20-ից փետրվարի 1-ը, Սևանա լճում արգելվում է ձկնորսությունը

Խորհրդարանն առաջին ընթերցմամբ քննարկեց «Հանրաքվեի մասին» սահմանադրական օրենքում փոփոխություններին առնչվող նախագիծը

Խորհրդարանն առաջին ընթերցմամբ քննարկեց «Հանրաքվեի մասին» սահմանադրական օրենքում փոփոխություններին առնչվող նախագիծը

Բացահայտվել են աննախադեպ քանակի ծխախոտային արտադրանքի անօրինական տեղափոխման դեպքեր

Բացահայտվել են աննախադեպ քանակի ծխախոտային արտադրանքի անօրինական տեղափոխման դեպքեր

Խաղաղությունը վերջնական, անշրջելի, 10-ամյա, 100-ամյա դարձնելու ճանապարհին կա մի խոչընդոտ, և այդ մեկ խոչընդոտը խորհրդարանական ընդդիմությունն է. Փաշինյան

Խաղաղությունը վերջնական, անշրջելի, 10-ամյա, 100-ամյա դարձնելու ճանապարհին կա մի խոչընդոտ, և այդ մեկ խոչընդոտը խորհրդարանական ընդդիմությունն է. Փաշինյան

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում