Պաշտոնական այցով մեր երկրում գտնվող Ղրղզստանի նախագահին Հայաստանի վարչապետը դիմավորել է նախագահի նստավայրում: Նիկոլ Փաշինյանը եւ Սադիր Ժապարովը ստորագրել են համատեղ հայտարարություն, երկրների միջև փոխանակվել են մի շարք փաստաթղթեր:
Վարչապետ Փաշինյանը նշել է, որ կողմերի նախագծերը կարող են ինտեգրվել, քանի որ TRIPP նախագծի իրականացման արդյունքում տարածաշրջանում կբացվեն տրանսպորտային ենթակառուցվածքները:
Նախագահ Ժապարովն ընդգծել է Հարավային Կովկասում բարեկամության և բարիդրացիության մթնոլորտի ձևավորմանն ուղղված վարչապետ Փաշինյանի ջանքերը, մեր պետության ղեկավարին հրավիրել Ղրղզստան՝ մասնակցելու «Բիշքեկ+25» գագաթնաժողովին:
