ԱՄՆ-ը, Դանիան և Գրենլանդիան համաձայնագիր են ստորագրել ինքնավար տարածքում ԱՄՆ Զինված ուժերի տեղակայման մասին
ԱՄՆ նախագահ Դոնալդ Թրամփը, Դանիայի վարչապետ Մետե Ֆրեդերիկսենը և Գրենլանդիայի վարչապետ Ենս-Ֆրեդերիկ Նիլսենը համաձայնագիր են ստորագրել Գրենլանդիայում ԱՄՆ Զինված ուժերի լայնածավալ տեղակայման մեկնարկի մասին:
«Համաձայնագիրը հարգում է Դանիայի Թագավորության ինքնիշխանությունն ու տարածքային ամբողջականությունը և Գրենլանդիայի ինքնորոշման իրավունքը», - հայտարարել է Ֆրեդերիկսենը: Նա նշել է, որ համաձայնագրի մասնակիցները թույլ չեն տա մրցակիցներին վերահսկել Գրենլանդիան և ազդել դրա վրա, իսկ տարածաշրջանում կընդլայնեն ԱՄՆ-ի և Դանիայի դաշնակիցների ներկայությունը:
Ավելի վաղ հաղորդվել էր, որ Վաշինգտոնն անվտանգության ոլորտում համաձայնության է հասել Դանիայի և Գրենլանդիայի հետ: Թրամփը բազմիցս հայտարարել է, որ ԱՄՆ-ը մշտական վերահսկողություն կստանա Գրենլանդիայում անվտանգության և այլ հարցերի նկատմամբ և մեծ քանակությամբ ռազմական զորակազմ կտեղակայի կղզում:
