ԼՂ նախկին պետնախարար Ռուբեն Վարդանյանը հրաժարվել է ցուցմունք տալ Բաքվի դատարանում։ Այդ մասին հաղորդում են ադրբեջանական ԶԼՄ-ները։ Ավելի վաղ Վարդանյանը հացադուլ էր հայտարարել՝ ի նշան դատավարության ընթացքում միջազգային ու ադրբեջանական դատավարական իրավունքի խախտումների դեմ բողոքի։
Հաղորդվում է, որ Վարդանյանն և նրա պաշտպանը միջնորդություն են ներկայացրել դատարանի կազմը փոխելու մասին, սակայն այն մնացել է առանց քննության։ Դատական նիստի ընթացքում Վարդանյանի ինքնազգացողությունը կտրուկ վատացել է հացադուլի պատճառով․ դատարանը ստիպված է եղել ընդմիջում հայտարարել։
Հաղորդվում է, որ Վարդանյանը բուժզննում է անցել, որից հետո նիստը շարունակվել է։ Չնայած վատ ինքնազգացողությանը՝ Վարդանյանին մի շարք հարցեր են ուղղել, այդ թվում՝ ՀՀ և ԼՂ նախկին բարձրաստիճան պաշտոնյաների հետ իր կապերի մասին: Վարդանյանը որևէ հարցի չի պատասխանել։
