İran ABŞ ilə atəşkəs üçün nüvə proqramı ilə bağlı güzəştə getməyə hazır deyil: "The Wall Street Journal" qəzeti

"The Wall Street Journal" (WSJ) qəzeti bazar ertəsi öz mənbələrinə istinadən bildirib ki, Tehran nüvə enerjisi məsələlərində ABŞ-a güzəştə getmək istəmir və atəşkəs danışıqlarını bərpa etmək üçün nüvə proqramını müzakirə etməyi planlaşdırmır.

Onlar həmçinin qeyd ediblər ki, ABŞ prezidenti Donald Tramp İranın yeddi günlük atəşkəs təklifini rədd etdikdən sonra İran güzəştə getməkdən imtina edir. Mənbələrə görə, Tehran danışıqları davam etdirməzdən əvvəl Vaşinqtonun cavab addımlarını gözləyir.

Qəzetin mənbələri əlavə ediblər ki, "İran liderləri Hörmüz boğazının uzun müddətli blokadasına və ya ABŞ-ın növbəti zərbə dalğasına tab gətirə biləcəklərinə əmindirlər".