Հայաստանի Անկախության հռչակագրի տեքստը հակապետական տեքստ է, որովհետև այդ տեքստով հնարավոր չէ ունենալ անկախ պետություն։ Այդ տեքստը պետություն ունենալու անհնարինության մասին է, և մենք մեր պատմությունից պետք է դասեր քաղենք։ Այդ մասին ճեպազրույցի ժամանակ ասաց վարչապետ Նիկոլ Փաշինյանը։
«Նոր Սահմանադրությունը պետության հարատևության տեսլականի վրա է հիմնված, և մենք գնալու ենք այդ ճանապարհով։ Համոզված եմ, որ ՀՀ ժողովուրդը պաշտպանելու է այդ գաղափարը և այդ գաղափարախոսությունը։ Ես չեմ տեսնում այլընտրանք, քան խաղաղությունը։
Հիմա ես դա ասում եմ ԱԺ-ի երեկվա քննարկումների համատեքստում։ Խաղաղությունը հաստատված, ինստիտուցիոնալ դարձնելը թիվ 1, թիվ 2, թիվ 3 առաքելությունն է, որ ես ՀՀ վարչապետի պաշտոնում պետք է կատարեմ, և հետևողականորեն, աննահանջ գնալու եմ այդ ճանապարհով։
Խաղաղությունը պետք է դառնա անշրջելի և ինստիտուցիոնալ»,- հայտարարեց Փաշինյանը։
