Նռնակով պայթեցման հետքերով. ՀՀ-ում ամեն տարի 11 ընտանիքի երեխա տեղեկանում է՝ հայրը սպանել է մայրիկին
Պատկերացրեք՝ ամեն տարի ձեր շրջապատի ընտանիքներից մոտ 10-ում ամուսինը սպաներ կնոջը: Կլռեի՞ք: Շատերիդ գուցե բարկացրեց նման դժբախության մասին ձեր օրինակով խոսելը, գուցե նաև սթափեցրեց:
Որովհետև Հայաստանում իրոք ամեն տարի միջինում մեկ տասնյակ կին սպանվում է նախկին կամ ներկա ամուսնու ձեռքով, մի տարբերությամբ, որ նրանք ձեր ծանոթները չեն: Բայց այդ կանայք մեզ պես ապրում են այս երկրում, երեխաներ մեծացնում, աշխատում, հարկեր վճարում ու մի օր դառնում բռնության զոհ, նաև այն պատճառով, որ դեռ շատերի համար ամուսնու բռնության մասին բարձրաձայնող կինը վատն է ու անպարկեշտ:
