Ճանապարհային ոստիկանության երկրորդ սպայական գումարտակի 1-ին վաշտի ծառայողները, գումարտակի ղեկավար կազմի գլխավորությամբ, մարտի 7-ին ուժեղացված ծառայություն են իրականացրել Արմավիրի մարզում։ Ուժեղացված ծառայության նպատակը առանց համարանիշների տրանսպորտային միջոցներ հայտնաբերելն էր։
Մի քանի ժամ տևած միջոցառման ընթացքում հայտնաբերվել է առանց համարանիշների 3 տրանսպորտային միջոց։
Բացի այդ, ճանապարհային երթևեկության տարբեր կանոնների խախտումների փաստերով կազմվել է երեք տասնյակից ավելի արձանագրություն։
Հայտնաբերվել են առանց ԱՊՊԱ պայմանագրի շահագործվող՝ 5, թաղանթապատված դիմապակիով՝ 5, առանց համապատասխան փաստաթղթերի՝ 2 մեքենա։
5 տրանսպորտային միջոց տեղափոխվել է պահպանվող հատուկ տարածք։
