Կալիֆոռնիայում նշել են ՀՀ անկախության 35-ամյակը

Նահանգային խորհրդարանի ու քաղաքային խորհրդի անդամների, Գլենդելի պաշտոնյաների ու Լոս Անջելոսում հավատարմագրված դիվանագետների մասնակցությամբ Կալիֆոռնիայում նշվել է Հայաստանի անկախության 35-ամյակը։ Ուղերձներում գլխավոր շեշտադրումը եղել է այն, որ Միացյալ Նահանգները և Հայաստանը դաշնակիցներ են, ուստի պետք է շարունակեն Հայաստանի անվտանգության բարձրացմանն ու երկկողմ գործակցության խորացմանն ուղղված ջանքերը։ Միջոցառման ընթացքում ամերիկացի պաշտոնյաները Հայաստանի գլխավոր հյուպատոսին շնորհավորական վկայագրեր են հանձնել: