Դրոշմանիշներից «Զինապահին» փոխանցվող գումարի նվազումը չի ազդել շահառուներին ուղղվող վճարումների վրա

Զինծառայողների ապահովագրության հիմնադրամը 2025-ի ավարտի դրությամբ հատուցումներ է տրամադրել 5510 շահառուի՝ ընդհանուր ավելի քան 106 միլիարդ դրամի չափով: Ներկայացնելով Զինապահի գործունեության և ֆինանսական արդյունքների հաշվետվությունը՝ տնօրենը նշել է՝ նախորդ տարի աջակցություն է տրամադրվել 28 նոր դեպքի, մինչդեռ 2024-ին այդ դեպքերի թիվը 284 էր: Կարինե Սարգսյանը վստահեցրել է, որ պարտադիր դրոշմանիշային վճարների փոփոխությունը որևէ ազդեցություն չի ունեցել շահառուներին ուղղվող պարտավորությունների կատարման վրա: