Պտղնի գյուղ տանող ավտոճանապարհին «ԿամԱԶ»-ը մոտ 100 մ գլորվել է ձորը. կա տուժած
Հուլիսի 10-ին՝ ժամը 11։58-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Պտղնի գյուղ տանող ավտոճանապարհին «ԿամԱԶ» մակնիշի բեռնատարն ընկել է ձորը, կա տուժած:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Ինչպես տեղեկացնում են ՆԳՆ Փրկարար ծառայությունից՝ պարզվել է, որ Երևան-Սևան ավտոճանապարհ մոտ 10-րդ կմ-ին «ԿամԱԶ» մակնիշի բեռնատարը (վարորդ՝ Գ․ Հ․, ծնված 1971 թ.) գլորվել է ձորը (մոտ 100 մ)․ առկա է վառելիքի արտահոսք:
