Մայրաքաղաքում երթևեկությունը բեռնաթափելու համար այլընտրանքային ճանապարհներ կկառուցվեն

Մայրաքաղաքի երթևեկությունը տրանսպորտային հոսքերից բեռնաթափելու նպատակով համայնքն այսօր մի շարք նախագծեր է դիտարկում: Երևանի քաղաքապետարանից հայտնում են, որ դրանցից երկուսն իրար կկապեն Նորք-Մարաշ, Նոր Նորք և Կենտրոն վարչական շրջանները. ծրագրերը կմեկնարկեն այս տարի:

Մյասնիկյան պողոտան Գյուրջյան փողոցին կապող նոր ճանապարհը կունենա ավելի քան 2.3 կմ երկարություն և 9 մ լայնություն: 

Գարեգին Հովսեփյան փողոցն ու Սարալանջն իրար կապող ճանապարհը՝ 1.4 կմ երկարություն ու 7մ լայնություն: