Տեղի է ունեցել «Թմրամիջոցների հիմնախնդիրը Հայաստանում. նոր մարտահրավերներ» թեմայով համաժողովը

Ինչպես տեղեկացնում են ՀՀ առողջապահության նախարարությունից՝ առողջապահության նախարարի առաջին տեղակալ Լենա Նանուշյանն իր ողջույնի խոսքում նշել է, որ թմրամիջոցներից զերծ, առողջ հասարակություն ունենալ հնարավոր է թմրամիջոցների վնասների վերաբերյալ բնակչության իրազեկվածության բարձրացման, իրավապահ մարմինների կողմից իրականացվող արդյունավետ պայքարի, ինչպես նաև կախվածությունների բուժման ծառայությունների որակի բարելավման շնորհիվ` ընդգծելով, որ ընդհանուր նպատակին հասնել հնարավոր է միայն բոլոր շահագրգիռ կառույցների միասնական ջանքերով։

Համաժողովին մասնակցել և զեկույցներ են ներկայացրել թմրամիջոցների հիմնախնդրի հետ առնչվող պետական մարմինների, հասարակական և միջազգային կազմակերպությունների ներկայացուցիչներ։