Եթե ուզում ես օգնել, ոչ թե ձուկ տուր, այլ՝ կարթ. չինական իմաստությունն է մեջբերում նպաստառուի կարգավիճակը թոթափած Մարինեն։ Տիկնոջ բազմանդամ ընտանիքը ոտքի է կանգնել Սոցիալական ներառման և ինքնաբավ կենսապահովման միջոցառումների խթանման ծրագրի շնորհիվ։ Հաղթահարելով աղքատությունը՝ Մարինեն Բաղրամյան գյուղի իրենց տանը կից տարածքում անկողնային պարագաներ ու սրբիչներ է արտադրում։
Մարինե Կարապետյան (ծրագրի շահառու) - Իմ գործի շնորհիվ ամսական եկամուտը մոտ 100 հազար դրամ է։ Սեպտեմբերից նպաստ չեմ ստանում, բավարարում է հոգալ ընտանիքիս կարիքները։
Մինչև ծրագրի շահառու դառնալը ընտանիքն ապրել է Մարինեի նպաստի՝ 30 և սկեսրոջ թոշակի՝ 40 հազար դրամով։ Իսկ ամուսինն աշխատել է, երբ պատվեր է ունեցել։ Կարուձևի նրբություններին ծանոթ Մարինեն սեփական գործ ունենալու մասին երազել է, բայց իրագործել չի կարողացել՝ միջոցներ չունենալու պատճառով։ Դրամաշնորհային ծրագիրն օգնել է կարի մեքենաներ ու աշխատանքային նյութեր ձեռք բերել։ Տրամադրած միջոցներով էլ ամուսինը տանը կից նախկին մառանն է վերանորոգել ու վերածել արտադրամասի։
Սարգիս Կարապետյան (Մարինե Կարապետյանի ամուսինը) - Ստեղ ինչ կա՝ ես եմ արել, ճիշտ է՝ դանդաղ, բայց արել եմ։ Կարող է՝ թերի բաներ էլ լինեն, որովհետև առաջին անգամ եմ արել։ Այնպես ենք արել, որ գումար չծախսենք։
2022-ի սեպտեմբերից Մարինեն այլևս նպաստ չի ստանում։ Արդեն կայուն եկամուտ ունի։ Եթե ամիս է լինում, որ պատվերները շատանում են, նաև կարողանում է գումար տնտեսել՝ այլ ծախսերի համար։ Ընտանիքն օգնում է՝ ինչով կարողանում է։ Որդիներից մեկը, օրինակ՝ լոգոտիպն է հեղինակել։
Եթե հաջողությունը երես չթեքի՝ տունը կվերանորոգեն, կահույքը կթարմացնեն, մեքենա կգնեն ավագ որդու համար, որը հիմա ժամկետային զինծառայող է։
Մարինե Կարապետյան - Լավ եկամուտի դեպքում ամենամեծ գնումս որդուս մեքենան է լինելու, խոսք եմ տվել՝ ծառայությունից գա, մեքենա նվիրեմ։
Մարինեն, փոքր քայլերով մեծ գործերի է ձգտում։ Ցանկություն ունի մեծացնել կարի արտադրամասը, շատ աշխատողներ ունենալ, բազմապատկել արտադրության տեսականին ու ծավալները և, ինչու՞ չէ, մտածել նաև արտահանման մասին։
Մարինե Կարապետյան - Ուզում եմ ասեղնագործական մեքենա ձեռք բերել, դրանով գործս ավելի շատ կլինի․ պահանջարկ կա բարձի երեսների, շապիկների համար։ Պետք է գումար հավաքեմ, որ գնեմ, 1 մլն արժե։
Աստիճանաբար ոտքի կանգնող ընտանիքը կարգի կբերի նաև արտելի ֆասադն ու տարածքը, որ փողոցի բարեկարգումից հետո այն ևս գեղեցիկ ու դիտարժան լինի։
ՀՀ տարածքում ավտոճանապարհներն անցանելի են
ՍԱՏՄ-ն արձագանքում է պտուղ-բանջարեղենում թունաքիմիկատների քանակի գերազանցման տեղեկություններին
Հանրային քննարկման է ներկայացվել որոշման նախագիծ, որով առաջարկվում է երկարացնել ԼՂ-ից տեղահանված անձանց տրամադրվող սոցիալական աջակցության ծրագրերի ժամկետները
ՍԱՏՄ-ն վերահսկողություն է իրականացրել սննդամթերքի վրա միջատասպան միջոց կիրառելու վերաբերյալ տարածված տեսանյութի հիման վրա
Վաչե Հովակիմյանը և Էդգար Հայրապետյանը լրացրել են միջազգային վարպետի երրորդ նորմաները․ Վաչեին պաշտոնապես կշնորհվի միջազգային վարպետի կոչում
Բեռլինի թանգարանային կղզու վեց թանգարանի ավելի քան 50 նմուշ է բերվել Հայաստան․ ցուցադրությունը կգործի մինչև մարտի 21-ը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
ՌԴ Պետդումա է անցել 5 քաղաքական ուժ
Թբիլիսիի հեռուստաաշտարակը լուսավորվել է Հայաստանի Հանրապետության դրոշի գույներով
Հանրապետության Հրապարակը հիմա. վարչապետը տեսանյութ է հրապարակել