ՀՀ վարչապետ Նիկոլ Փաշինյանի որոշմամբ՝ Կրթության տեսչական մարմնի ղեկավարի տեղակալի ժամանակավոր պաշտոնակատար Նարա Հովհաննիսյանն ազատվել է զբաղեցրած պաշտոնից:
Վարչապետի այլ որոշումներով՝ Ռաիսա Գալստյանը և Արսեն Բաղդասարյանը նշանակվել են կրթության տեսչական մարմնի ղեկավարի տեղակալներ:
Արսեն Բաղդասարյանը 2021 թվականից զբաղեցրել է ԿԳՄՍՆ հանրակրթության վարչության պետի պաշտոնը, իսկ մինչ այդ երկար տարիներ եղել է նախարարության համակարգում:
Ռաիսա Գալստյանը 2008 թ. հոկտեմբերի 15-ին արտամրցութային կարգով նշանակվել է ՀՀ կրթության և գիտության նախարարության կրթության պետական տեսչության պետի տեղակալի պաշտոնում, իսկ 2018 թվականից մինչև օրս ՀՀ կրթության տեսչական մարմնի ղեկավարի տեղակալն է և կրկին վերանշանակվել է նույն պաշտոնում:
Հիշեցնենք՝ ՀՀ կրթության տեսչական մարմնի Կառավարման խորհրդի՝ մարտի սկզբին անցկացված արտահերթ նիստին մասնակցած 7 անդամները միաձայն հավանություն էին տվել ՀՀ կրթության տեսչական մարմնի ղեկավարի տեղակալների պաշտոնում Ռաիսա Գալստյանի և Արսեն Բաղդասարյանի թեկնածություններին:
