Նոյեմբերի 25-ին՝ ժամը 21։06-ին, Վայոց ձորի մարզային ճգնաժամային կառավարման կենտրոն ահազանգ է ստացվել, որ Մ-2 ավտոճանապարհի Վայք-Գորիս հատվածի 10-րդ կմ-ին տեղի է ունեցել ՃՏՊ, կա տուժած․ անհրաժեշտ է փրկարարների օգնությունը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Մ-2 Երևան-Մեղրի ավտոճանապարհի 153-րդ կմ-ին բախվել են Kamaz մակնիշի բեռնատարը (վարորդ՝ Ս․ Վ․, ծնված 1971 թ.) և Mercedes մակնիշի ավտոմեքենան (վարորդ՝ Վ․ Ս․, ծնված 1979 թ.)։
Մինչ հրշեջ-փրկարարների կանչի վայր հասնելը տուժածը տեղի ուժերով դուրս է բերվել ավտոմեքենայից:
Փրկարարները հոսանքազրկել են ավտոմեքենաները, փակել Mercedes մակնիշի ավտոմեքենայի գազի բալոնի փականը, սահմանազատել տարածքը և տուժածին մոտեցրել շտապօգնության ավտոմեքենային․ վերջինս հոսպիտալացվել է Վայքի ԲՄ, որտեղ բժիշկները նրա առողջական վիճակը գնահատել են բավարար:
