Քննարկվել են տարերային և տեխնածին արտակարգ իրավիճակների կանխարգելմանը և վերացմանն ուղղված գործունեության արդիականացման ուղղված հարցեր

Մասնակիցները քննարկել են միջպետական խորհրդի նախագահության, 2021-2022 թթ․ համագործակցության բարելավմանն ուղղված միջոցառումների, տարերային և տեխնածին արտակարգ իրավիճակների կանխարգելմանն և վերացմանն ուղղված գործունեության արդիականացմանը, 2023 թվականին խորհրդի հիմնական գործունեության պլանի նախագծի վերաբերյալ մի շարք հարցերի։

Նախարարի առաջին տեղակալը բարձր է գնահատել ԱՊՀ գործադիր կոմիտեի ջանքերն ու ներդրումը բազմակողմ հարաբերությունների զարգացման գործում և շնորհակալություն հայտնել աղետների հետևանքների վերացման հարցերում սերտ և ընդլայնված համագործակցության համար։

«Մեր գերատեսչությունների միջև սերտ փոխգործակցության զարգացումը բարդ և պատասխանատու աշխատանքում կդառնա համատեղ ձեռքբերումների գրավականը։ Հույս ունեմ, որ ԱՊՀ անդամ պետությունների հետ հարաբերությունների զարգացման տեմպերը մոտ ապագայում դուրս կգան իրական հագեցվածության նոր մակարդակի։ Նիստի բոլոր մասնակիցներին և կազմակերպիչներին մաղթում եմ բեղումնավոր աշխատանք, կառուցողական երկխոսություն և արդյունավետ փոխգործակցություն»,- նշել է Արտյուշ Գրիգորյանը։

ԱՊՀ գործադիր կոմիտեի կողմից առաջարկվել է 35-րդ հոբելյանական նիստն անցկացնել Հայաստանում։ Կողմերը պայմանավորվել են մոտ ժամանակներում քննարկել այդ առաջարկը։