Բնապահպանության և ընդերքի տեսչական մարմնի աշխատակիցները ապօրինի փայտանյութի տեղափոխման կանխարգելման նպատակով հերթական շրջայցն են իրականացրել Լոռու մարզում։ Այդ մասին ասված է ԲԸՏՄ-ի Ֆեյսբուքի էջում:
«Հոկտեմբերի 17-ին «Հայնատառ» ՊՈԱԿ-ի Գյուլագարակի անտառպետության տարածքում ապօրինի փայտանյութ տեղափոխելու կասկածանքով ստուգման է ենթարկվել «ՈՒԱԶ» մակնիշի ավտոմեքենա։
Մեքենայում հայտնաբերված 2 խ.մ վառելափայտի ձեռքբերման իսկությունը հավաստող համապատասխան փաստաթուղթ վարորդը չի ներկայացրել։
Ապօրինի վառելափայտով բեռնված ավտոմեքենան տեղափոխվել է ոստիկանության հատուկ պահպանվող տարածք։
Միջոցառումները շարունակվում են»,- նշված է գրառման մեջ։
