Կանանց կողմից բազմաթիվ դիմումներ են ստացվում: Այս մասին Կառավարության նիստում հայտնեց ՀՀ պաշտպանության նախարար Սուրեն Պապիկյանը՝ նշելով, որ այդ նամակներով պատրաստության խնդիր է բարձրացվում:
«Արդեն մշակված ծրագիր ունենք, պաշտպանության նախարարությունը հանդես կգա հայտարարությամբ, որ ՀՀ քաղաքացի իգական սեռի ներկայացուցիչները կարող են հերթագրվել և համապատասխան հրաձգարաններում անցնել մարտական զենքից կրակային պատրաստություն»,- ասաց Պապիկյանը:
Պապիկյանը նշեց նաև, որ հանրության շրջանում ծառայության մասին սխալ պատկերացում կա:
«Մենք ծառայությունն ասոցացնում ենք միայն մարտական հերթապահության հետ: Իրականում մեր խնդիրը պետք է լինի պատրաստությունը: Պայմանագրային զինծառայողների առօրյայի պատրաստության մեջ էական դեր պետք է ունենա մարտական պատրաստությունը»,- ասաց նախարարը:
