Ինչպես ավելի վաղ հայտնել էինք, այսօր Starmus VI միջազգային փառատոնի հիմնական ծրագրի մուտքն ազատ է, ժամը 19.00-ին սպասվում է բացառիկ ֆիլմի պրեմիերա:
Փառատոնի Ֆեյսբուքի էջից տեղեկանում ենք՝ ցուցադրվելու է «Ալեքսեյ Լեոնով. տիեզերքը ներսում» ֆիլմը:
Ալեքսեյ Լեոնովը տիեզերքը բացահայտող հռչակավոր առաջամարտիկներից է։ Նա տիեզերքն ավելի մոտ տեսնողներից առաջինն էր։ Լեոնովի պատմությունը մի առանձին տիեզերք է՝ իր խորությամբ գերող։
Ֆիլմը վավերագրական է և հիմնված է տիեզերագնացի դստեր՝ Օկսանա Լեոնովայի հոր հետ արված վերջին հարցազրույցի վրա։
Տևողությունը՝ 80 րոպե
Ռեժիսոր՝ Նատալյա Ցոյ
Կոմպոզիտոր՝ Պյոտր Դրանգա
Պրոդյուսերներ՝ Օկսանա Լեոնովա, Սերգեյ Շվիդկոյ, Տատյանա Օգորոդնիկովա:
