ԵՊՀ ռեկտորն ու ՀՀ-ում Սերբիայի դեսպանը քննարկել են կրթական ու հետազոտական ոլորտներում համագործակցային նոր ուղիները
ԵՊՀ ռեկտոր Հովհաննես Հովհաննիսյանն օգոստոսի 26-ին հյուրընկալել է Հայաստանում Սերբիայի Հանրապետության արտակարգ և լիազոր դեսպան Տատյանա Պանայոտովիչ Ցվետկովիչին։ Այս մասին Հովհաննիսյանը տեղեկացրել է ֆեյսբուքյան իր էջում:
«Հանդիպման ընթացքում տիկին դեսպանի հետ քննարկեցինք կրթական ու հետազոտական ոլորտներում համագործակցային նոր ուղիներն ու միջոցները, որոնց արդյունքում կկարողանանք նոր հնարավորություններ ստեղծել ուսանողների ու գիտական համայնքի ներկայացուցիչների համար՝ նպաստելով նաև երկու երկրների կապի ամրապնդմանն ու զարգացմանը»,- գրել է նա։
