ՀՀ առողջապահության նախարարի տեղակալն ստացել է COVID-19-ի դեմ պատվաստանյութի 3-րդ դեղաչափը
Առողջապահության նախարարի տեղակալ Արմեն Նազարյանը մարզային բժշկական կազմակերպություններից մեկում ստացել է COVID-19-ի դեմ պատվաստանյութի իր 3-րդ դեղաչափը:
Ինչպես աշխարհում, այնպես էլ Հայաստանում հիվանդացության ցուցանիշներն օրեցօր աճում են՝ հայտնում են ՀՀ առողջապահության նախարարությունից:
Մասնագետները խորհուրդ են տալիս օր առաջ ստանալ խթանիչ (բուստեր) դեղաչափը, հատկապես` 65 տարեկանից բարձր և ուղեկցող հիվանդություններ ունեցող անձանց: Իսկ ովքեր չունեն ամբողջական պատվաստում, կարող են դիմել պոլիկլինիկական ծառայություն կամ պատվաստումային շարժական կետեր:
