ՀՀ Էկոնոմիկայի նախարարության ներկայացուցիչները Գերմանիայի միջազգային համագործակցության ընկերության (ԳՄՀԸ/GIZ) ԷԿՈսերվ բնապահպանական ծրագրի շրջանակներում այլ գերատեսչությունների ներկայացուցիչների հետ այցելել են Գեղարքունիքի մարզ։
Ուսումնասիրվել են «Անասնակերի արտադրություն և արոտների բարելավում որպես ՔՈՎԻԴ-19 հետևանքների մեղմման միջոցառում» գործողության շրջանակներում 10 տարի և ավել չօգտագործվող վարելահողերի մշակության փորձադաշտերի արդյունքները Մարտունի համայնքի Արծվանիստ և Գավառ համայնքի Գանձակ բնակավայրերում:
«Գետերի ափամերձ տարածքների վերականգնում Հայաստանում» ՔՈՎԻԴ-19-ի արձագանքման ծրագրի շրջանակներում Արծվանիստ գետի շրջակայքում ուսումնասիրվել են ուռենիների կտրոնների տնկատարածքները:
