Սերժ Սարգսյանի և մյուսների գործով երկու վկայի՝ Հայաստանի սահմանը լքելու հանգամանքը ճշտելու համար հարցում կկատարվի:
Երևանի ընդհանուր իրավասության դատարանում այսօր պետք է հարցաքննվեր գործով առանցքային վկա Սևան Քոչարյանը. նախորդ նիստին չներկայանալու պատճառով դատարանը նրան բերման ենթարկելու որոշում էր կայացրել, ինչը ոստիկանները չեն կատարել: Դատարանը կդիմի ոստիկանապետին՝ հանգամանքները ճշտելու համար:
Մյուս վկայի փաստաբանն էլ դատարան գրություն էր ուղարկել՝ նշելով, որ իր վստահորդը անձնական խնդիրների պատճառով բացակայում է երկրից: Սա ևս դատարանը կճշտի:
Վկաների բացակայության պատճառով դատական նիստը մեկ ամսով հետաձգվել է:
Հիշեցնենք, որ դիզվառելիքի մոտ կես միլիարդ դրամի հափշտակության գործով, Սերժ Սարգսյանից բացի, անցնում են նաև «Ֆլեշ» ընկերության սեփականատեր Բարսեղ Բեգլարյանը, Գյուղնախարարության վարչության պետ Գևորգ Հարությունյանը:
Հեղինակ՝ Տաթև Խաչատրյան
