Հուլիսի 7-ին Ազգային ժողովը շարունակել է արտահերթ նստաշրջանի աշխատանքը:
ԱԺ նախագահ Ալեն Սիմոնյանը տեղեկացրել է, որ Կենտրոնական ընտրական հանձնաժողովը ներկայացրել է ԱԺ պատգամավոր ընտրված և լիազորությունները վաղաժամկետ դադարած պատգամավորի մանդատը հաջորդ թեկնածուին տրամադրելու մասին թիվ 8 արձանագրությունը, ըստ որի՝ մանդատը տրվում է «Քաղաքացիական պայմանագիր» կուսակցության ընտրական ցուցակի առաջին մասի հերթական հաջորդ թեկնածու Կարեն Հակոբի Սարուխանյանին:
«ԱԺ կանոնակարգ» սահմանադրական օրենքի 33-րդ հոդվածի 4-րդ մասի համաձայն՝ ԱԺ կազմը համալրած պատգամավոր Կարեն Սարուխանյանը երդվել է:
