ՀՀ վարչապետի աշխատակազմի ղեկավար Արայիկ Հարությունյանը Կարեն Դեմիրճյանի անվան մարզահամերգային համալիրում ներկա է եղել հունիսի 13-17-ը կազմակերպված «Գիտության և գործարարության օրեր-2022» միջոցառման համաժողովին:
«Տեղի են ունեցել պանելային քննարկումներ։ Բանախոսների ելույթներում արծարծվել են թվային տնտեսությանը, տնտեսության հզորացման գործում գիտության դերին, նոր սերնդի կրթության և հաջողության հասնելու հնարավորություններին, Հայաստանը գիտության ու բիզնեսի խաչմերուկ դարձնելուն վերաբերող թեմաներ»,- Ֆեյսբուքի իր էջում գրել է Հարությունյանը։
