ՀՀ պետական բյուջեի միջոցներով հիմնանորոգվում է Հ-30, /Մ-4/-Ճամբարակ-/Մ-14/ հանրապետական նշանակության ավտոճանապարհի կմ 0+000-կմ 11+000 հատվածը։ Ինչպես հայտնում են «Ճանապարհային դեպարտամենտ» հիմնադրամից, աշխատանքների մեկնարկը տրված է:
Իրականացվել է քանդման աշխատանքների շուրջ 95%-ը, հողային աշխատանքների շուրջ 35%-ը, ճանապարհային պատվածքի կառուցման շուրջ 35%-ը (4կմ երկարությամբ հատվածում տեղադրվել է երկշերտ ասֆալտբետոնե ծածկ)։
Ներկայում կատարվում են ճանապարհային պատվածքի տեղադրման, 4 կամուրջների վերանորոգման, ջրահեռացման համակարգերի կառուցման աշխատանքներ։ Ծրագրով նախատեսված է նաև մայթերի կառուցում, հենապատերի վերանորոգում, գաբիոնային շարվածք և այլն։
11 կմ երկարությամբ ճանապարհի հիմնանորոգումն իրականացնում է «Լեոպոլդ և ընկերներ» ՍՊԸ-ն, տեխնիկական հսկողությունը՝ «Արմստրոյ» ՍՊԸ-ն։
