ՀՀ էկոնոմիկայի նախարարի տեղակալ Անի Իսպիրյանը հունիսի 6-ին ընդունել է ներդրումների միջազգային փորձագետ Դեքլան Մըրֆիին՝ Հայաստանում ներդրումային քաղաքականությանը վերաբերող մի շարք հարցեր քննարկելու նպատակով։ Այս մասին հայտնում են ՀՀ էկոնոմիկայի նախարարությունից:
Ընդգծվել է, որ այս ոլորտում իրականացվող քաղաքականությունը միտված է հնարավորինս նպաստել նոր ներդրումների ներգրավմանն ու ներդրումային տեսանկյունից Հայաստանի գրավչության բարձրացմանը։
Անդրադարձ է կատարվել Հայաստանի ներդրումային միջավայրի բարելավմանը, նոր ներդրումների ներգրավման հարցում մեր երկրի ճանաչելիության բարձրացմանը, ոլորտում իրականացվող հարկային քաղաքականությանն ու գործող օրենսդրական կարգավորումներին։
