2021 թվականին Շրջակա միջավայրի նախարարությունն իրականացրել է 6 ծրագիր և 31 միջոցառում: Տարեկան պլանով նախատեսված է եղել 9 միլիարդ 214.7 միլիոն դրամի ֆինանսավորում: Այս մասին տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության ու ֆինանսավարկային և բյուջետային հարցերի մշտական հանձնաժողովների համատեղ նիստի ընթացքում հայտնեց ՀՀ ֆինանսների նախարար Տիգրան Խաչատրյանը:
«Ճշտված պլանով ֆինանսավորումը կազմել է 9 միլիարդ 172.1 միլիարդ դրամ: Փաստացի իրականացվել են 7 միլիարդ 213 միլիոն դրամ արժեքով ծրագրեր: Կատարողականը 78.6 տոկոս է»,- ասաց նախարարը:
Դրանով հանդերձ՝ այն 2020 թվականի փաստացի ֆինանսավորման համեմատությամբ ավելի է 513.4 միլիոն դրամով կամ 7.7 տոկոսով:
