Որտե՞ղ և ինչպե՞ս է պատրաստվում ընդդիմությունը փրկել հայ ժողովրդին, եթե բոլոր տեղերից փախչում է. Հայկ Կոնջորյան
ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանն անդրադարձել է «Հայաստան» խմբակցության ղեկավար Սեյրան Օհանյանի՝ Հանրային հեռուստաընկերության եթերում բանավիճելուց հրաժարվելուն:
«Սեյրան Օհանյանը պաշտոնապես հրաժարվեց ինձ հետ Հ1-ի եթերում բանավիճել։ Չեմ ուզում հավատալ, որ գեներալ Օհանյանը վախեցավ։
Այժմ եկեք արձանագրենք 3 բան.
Ընդդիմությունը փախչում է արտաքին դիվանագիտության խրամատից,
Ընդդիմությունը փախչում է ԱԺ նիստերի դահլիճից,
Ընդդիմությունը փախչում է հեռուստատեսային տաղավարներից։
Հիմա հարց՝ որտե՞ղ և ինչպե՞ս է պատրաստվում ընդդիմությունը փրկել հայ ժողովրդին, եթե բոլոր տեղերից փախչում է։ Եվ ինչպե՞ս կարող է փախչողը փրկել ժողովրդին։
Սիրելի՛ ժողովուրդ, ձեր ոգին ամուր պահեք, ձեր միտքը՝ սթափ։ Մենք կանգուն ենք և կանգուն ենք մնալու՝ հանուն մեր ժողովրդի, հանուն մեր պետության։
Կեցցե՛ Հայաստանի Հանրապետությունը»,- գրել է Կոնջորյանը Ֆեյսբուքի իր էջում:
