Քաջարան համայնքի ղեկավարը 50 միլիոն դրամ գրավի դիմաց ազատ կարձակվի
Սյունիքի մարզի ընդհանուր իրավասության դատարանի որոշմամբ Քաջարան համայնքի ղեկավար Մանվել Փարամազյանի նկատմամբ ընտրված խափանման միջոցը կրկին փոխվել է. այս մասին Ֆեյսբուքի իր էջում հայտնել է փաստաբան Երվանդ Երանոսյանը, նշել՝ 50 միլիոն դրամ գրավը մուծելուց հետո Փարամազյանն ազատ կարձակվի:
Հիշեցնենք, որ Քաջարան համայնքի ղեկավարը մեղադրվում է խարդախությանն օժանդակելու, կաշառք ստանալու, պաշտոնեական կեղծիքներ կատարելու համար:
Նա դեկտեմբերի 27-ին 70 միլիոն դրամ գրավի դիմաց ազատ էր արձակվել:
Դատարանի այդ որոշման դեմ դատախազությունը բողոք էր ներկայացրել, որն էլ փետրվարի 7-ին բավարարվել էր, և Փարամազյանը կրկին կալանավորվել էր:
